Salinan amanat Pangeran Aria Suria Atmadja, dari surat zegel,

Soemedang, 22 September 1912.

IJEU SOEPAJA DJADI TANDA KAKOEATAN

Kaoela anoe nan-tangan, Pangeran Aria Soeria Atmadja, Boepati Soemedang, ajeuna di powe tanggal djeung tahoen noe kaseboet diloehoer soerat ijeu, ngawaktjakeun jen eta barang BANDA KAOELA PITOEIN noe ditoelis dina lampiran sedjen ti ijeu, noe diseboet koe kaoela wintjikanana tina nomer hidji nepi ka nomer 235, salianna ti imah djeung lianna adegan2 kabeh eta barang2 ditapelan nomerna di noe boeni noe dipambrih soepaya awet, ari tanah2 dinomeran dina paigemna.

Sadjoemlahna eta barang kaoela aja noe ASAL POESAKA TI SEPOEH2 djeung aja tina oesaha kaoela pribadi.

Ajeuna kaoela neda disaksian koe:

Rd. Demang SOERIA AMIDJAJA, Patih-Wadana,

Rd. Hadji Achmad Kosasih, Hoofd Panghoeloe,

Rd. NATAWIJOGJA, Djaksa,

Rd. SOERIA ADIWIDJAJA, Tjamat Kota Soemedang,

Rd. HADJI ACHMAD,

Rd. HADJI MOEHAMAD ISHAK,

Rd. HADJI MOEHAMAD ALI, djeung

Rd. HADJI ABDOELAH IBRAHIM, leden Raad Agama,

Mas HADJI MOEHAMAD SANOESI, hatib serta

SOEWANGGANA,

Rd. HADJI SADIKIN, djeung

Rd. Hadji SAPENGI, hatib

Rd. HADJI MOEHAMAD KOSIM, sarat Kaoem,

Rd. WIRADIPOETRA, Mantri Kaboepaten djeung

Rd. ANGGA KOESOEMA, Djoeroe toelis Kaboepaten, kabeh di Kaboepaten Soemedang.

Jen saetoena eta barang2 noe geus diseboetan tea samangsa kaoela geus MAOT, atawa EUREUN TINA DJADI BOEPATI didijeu eta barang2 koe kaoela DIWAKAPKEUN KA ANU NGAGANTI KAOELA didijeu djeung satoeloey-toeloejan ka OENGGAL2 noe djadi PANGGEDE bangsa priboemi noe dikawasakeun koe KANGDJENG GOEVERNEMENT didijeu di Soemedang pangkat naon bae diseboetna mah, sapaninggal kaoela saoemoerna eta barang2 AJA KENEH (beunang keneh diala mangpaatna) djeung sapandjang aja noe diangkat kawasa panggede didijeu, nyaeta noe ditoendjoek, DIWAKAPKEUN KOE KAOELA SAOEROET-OEROETNA.

HEUNTEU MEUNANG DIWARISKEUN, HENTEU MEUNANG DIGOEGAT-GOEGAT KOE SAHA2 OGE, HENTEU MEUNANG DIDJOEWAL, HENTEU MEUNANG DIROBAH-ROBAH, HENTEU MEUNANG DITOEKEUR-TOEKEUR, HENTEU MEUNANG DIGOENTA-GANTI.

Kitoe deui aja barang noe henteu diseboet dina nomor wintjikan, kajaning:

Sakotak wajang golek, doewa kotak wajang koelit, opat bangunan salendro, tiloe bangunan pelog, sabangoenan degoeng, koe kaoela ditetepkeun minangka djadi POESAKA atawa TJARIK SOEMEDANG, toeroet sakoemaha di noe dinomeran tea.

Ajeuna kaoela ka sakoer noe djonghok, noe pada nyaksian didijeu sanggeusna soedi, neda pada nanda tangan disandingan tanda tangan kaoela.

Ijeu toetoelisan tanda tangan kaoela didijeu rangkep lima, nyaeta diteundeun di kaoela, dipamadjikan kaoela, di kantor2 Raad Agama, di Kantor Kaboepaten djeung di Kantor Kapatihan Soemedang.

Tanda tangan kaoela noe ikrar.

Ttd.

(P. A. SOERIA ATMADJA)

Tanda-tangan saksi2

1.      Ttd. Rd. Dmg. Soeria Amidjaja.

2.      s/d 14 dsb.